စစ်ကိုင်းတိုင်းနှင့်ကချင်ပြည်နယ် အစပ်တွင် ဆင်နှင့်ဆင်ပိုင်ရှင်တို့ မိုင်းနင်းမိပြီး သေဆုံး
စစ်ကိုင်းနှင့်ကချင်ပြည်နယ် အစပ်တွင် မိုင်းနင်းမိခြင်းကြောင့်ဆင်နှင့်ဆင်ပိုင်ရှင် တို့ သေဆုံးခဲ့ကြောင်း သေဆုံးသူများနှင့် နီးစပ် သူများကဆိုသည်။ သြဂုတ် ၁၅ ရက်က စစ်ကိုင်းတိုင်းဒေသကြီး ဟုမ္မလင်းမြို့နယ် မံစိမ်းကျေးရွာမှ အင်းတော်ကြီးဒေသသို့အပြန် တောလမ်းတစ်နေရာတွင် မိုင်းနင်းပြီး သေဆုံး ခဲ့ခြင်းဖြစ်ကြောင်းသေဆုံးသူနှင့် နီးစပ်သူများက ဆိုပါသည်။
မိသားစုနှင့်နီးစပ်သူတစ်ဦးက“ဖြစ်တာက တောထဲမှာဆိုတော့ နီးစပ်ရာ ဒေသက ရှမ်းလူကြီးတွေကို အကူအညီတောင်းရ တာ ပေါ့။ ဆယ်ဇင်းဘက်မှာ ဆေးရုံဆေးခန်းတွေ မရှိတော့ အင်းတော်ကြီးဘက် ခေါ်လာတယ်။ ဒဏ်ရာက ပေါင်နှင့် ဆီးခုံစပ်မှာ ထိတာ။တောထဲမျက်စိလည်နေတော့ ည ၁၁ နာရီ လောက် ဆုံးတာ။ မနက် ၅ နာရီလောက်မှ လမ်းကို ထွက်လာနိုင်တာ ။ သေဆုံးသူရဲ့ ညီ လည်း ပေါင်မှာ မိုင်းစထိတယ် “ဟု ဆိုသည်။
မိုင်းနင်းပေါက်ကွဲမှုကြောင့် ဆင်မှာ နေ ရာတွင် သေဆုံးခဲ့ပြီး ဆင်ပိုင်ရှင်အား လမ်း ခရီး မကောင်းသဖြင့် နီးစပ်ကျေးရွာတွင် သဂြိ ုင်္ဟ်ခဲ့ရကြောင်း သိရသည်။
ကချင်ပြည်နယ်တွင် ၂၀၁၁ ခုနှစ် ဇွန်လ ၉ ရက်နောက်ပိုင်း တပ်မတော်နှင့် ကေအိုင် အေအဖွဲ့တို့ ပစ်ခတ်မှုများ ပြန်လည်ဖြစ်ပွား လာခဲ့သည့် ၂၀၁၇ ခုနှစ် ဒီဇင်ဘာ ၃၁ ရက် အထိ ခြောက်နှစ်ကျော်ကာလအတွင်း မိုင်း ပေါက်ကွဲမှု အကြိမ်ပေါင်း ၄၅၂ ကြိမ် ဖြစ် ပွားခဲ့ပြီး အရပ်သား ဒဏ်ရာရသူ ၅၀၆ ဦး အနက် သေဆုံးသူပေါင်း ၁၂၀ ဦးရှိနေ ကြောင်း ပြည်နယ်ရဲစခန်း မှတ်တမ်းများ၊ သတင်းဌာန မှတ်တမ်းများအရ သိရသည်။
မိုင်းပေါက်ကွဲမှုကြောင့် တချိ့သော ဒေသခံများမှာ ခြေလက်အင်္ဂါများချိ့ယွင်းသွားခြင်း၊ မိသားစုများတွင် အဓိကအရေး ပါသည့် မိသားစုဝင်များ ထိခိုက်မှုများကြောင့် မိသားစုအတွင်း စားဝတ်နေရေးကျပ်တည်း လာခြင်း၊ သေချာစွာ စောင့်ကြည့် ထောက်ပ့ံမှု များ မရှိခြင်းတို့ကြောင့် မိုင်းထိမိသားစုများ တွင် စိတ်ပိုင်းဆိုင်ရာနှင့် စီးပွားရေးဆိုင်ရာ ကိစ္စရပ်များတွင် ထောက်ပံ့မှုများစွာ လိုအပ် နေသေးကြောင်း သိရသည်။
ကချင်ပြည်နယ်အစိုးရအဖွဲ့ လူမှုရေး ဝန်ကြီး ဟောင်း ဒေါက်တာသင်းလွင်က မိုင်း ထိခိုက်မှုများရှိနေသည့်ဒေသများကို အောက် ခြေအထိ မိုင်းအသိပညာပေးလုပ် ငန်းများကို လူမှုအဖွဲ့အစည်းများနှင့် ပူးပေါင်းကာ လုပ် ဆောင်နေကြောင်း၊မိုင်းကြောင့် ကိုယ်လက် အင်္ဂါထိခိုက်သူများကို နိုင်ငံတကာ ကြက် ခြေနီ အဖွဲ့အစည်းများကလည်း ကူညီ ဆောင် ရွက်မှုများရှိနေကြောင်း ပြောကြားသည်။
ကချင်ပြည်နယ်နှင့် ရှမ်းပြည်မြောက် ပိုင်း သည် မြန်မာနိုင်ငံတွင် မိုင်းဒဏ်အမြင့် မားဆုံးနေရာအဖြစ် ရှိနေဆဲဖြစ်သည်။
