ပြည်တွင်းလက်နက်ကိုင်ပဋိပက္ခများနှင့် မြန်မာတို့၏ အမျိုးသားအကျိုးစီးပွား

အမျိုးသားနိုင်ငံတော် (Nation State) တစ်ခုအတွင်း ‘ပြည်တွင်း လက်နက်ကိုင်ပဋိပက္ခ’ (Internal Armed Conflict) သို့မဟုတ် ‘ပြည်တွင်းစစ်’ (Civil War) သို့မဟုတ် ‘အရပ်ဘက်အတွင်းထကြွမှု’  (Civil Insurgency) တစ်ခုခုဖြစ်ပွားနေလျှင် ထိုနိုင်ငံ၏ စီးပွားရေး၊ လူမှုရေး၊ ဓ‌လေ့ယဉ်ကျေးမှု၊ မြို့ပြယဉ်ကျေးမှု၊ သာယာကြွယ်ဝမှုနှင့် ဖွံ့ဖြိုးမှုများ အပေါ် ကြီးမားသော ‘အနုတ် လက္ခဏာသက်ရောက်မှုများ’  (Negative Impacts) ကို ဆိုးရွားစွာဖြစ်ပေါ်စေသည်ဟု အမေရိကန်၊ ဗြိတိန်နှင့် ‘အနောက်တိုင်းလောက’ (Western World) မှ လူမှုသိပ္ပံပညာရှင်များက ကန့်ကွက်သူတစ်ဦးမျှမရှိဘဲ အားလုံးက တညီတညွတ်တည်း အတည်ပြုလက်ခံ ထားခဲ့ကြသည်။

■ ပစ်မှတ်ထားသော အုပ်စုများအတွက်သာ

ထို့ကြောင့်လည်း ၁၉၄၅ ခုနှစ် ဒုတိယကမ္ဘာစစ်ပြီးဆုံးချိန်မှ စတင်၍ အာရှ၊ အာဖရိကနှင့် လက်တင်အမေရိကနိုင်ငံများအနက် အနောက်အုပ်စု၏ လမ်းကြောင်းအောက်ကို မလိုက်ခဲ့သော ဘက်မလိုက်အဖွဲ့ဝင်နိုင်ငံများ၊ အစ္စလာမ်မစ်နိုင်ငံများနှင့် ဆိုရှယ်လစ်နိုင်ငံများ၏ ‘အမျိုးသားအင်အားများ’ (National Strengths) ကို ချည့်နဲ့ ကျဆင်းစေရန်ရည်ရွယ်သော ပြည်တွင်းလက်နက်ကိုင်ပဋိပက္ခများ အမျိုးအစားမျိုးစုံကို အနောက်အုပ်စု၏အာဏာစံအိမ်များက ၂၀ ရာ စုနှင့် ၂၁ ရာစုအတွင်း ထောက်ပံ့ကူညီပေးခဲ့ကြသည်။

ယင်းဖြစ်စဉ်အတွင်း ဆိုရှယ်လစ်နိုင်ငံများဖြစ်သော ကမ္ဘောဒီးယား၊ လော၊ အန်ဂိုလာ၊ မိုဇမ်ဘစ်၊ ဇင်ဘာဘွေ၊ အီသီယိုပီးယား၊ သီရိလင်္ကာ၊ နီကာရာဂွါ၊ ဘိုလီဗီးယားနှင့် ဆီးရီးယားပြည်တွင်းစစ်များမှာ ထင်ရှားကျော်ကြားခဲ့သည်။

အလားတူပင် အစ္စလာမ်မစ် နိုင်ငံများဖြစ်သော လက်ဘနွန်၊ ဆူဒန်၊ ယီမင်၊ အီရတ်၊ လစ်ဗျားနှင့် အာဖဂန်နစ္စတန်ပြည်တွင်းစစ်များသည်လည်း ထင်ရှား လူသိများခဲ့သည်။

ထို့အတူပင် ဘက်မလိုက် အဖွဲ့ဝင်နိုင်ငံများဖြစ်သော အိန္ဒိယ၊ မြန်မာ၊ သီရိလင်္ကာ၊ တန်ဇန်းနီးယား၊ ကင်ညာ၊ ယူဂန္ဓာနှင့် အခြား အာရှ၊ အာဖရိကနိုင်ငံများအတွင်း ပြည်တွင်းစစ်များ ဆက်လက်ဖြစ်ပွားနေရေးအတွက် အနောက်တိုင်းလောကမှ နှစ်ကာလရှည်ကြာစွာ အတိုင်းအတာတစ်ခုအထိ ထောက်ပံ့ကူညီ နေခဲ့ရသည်။

■ ပြောင်းလဲလာသော အယူအဆအသစ် တစ်ခု

ပထမ စစ်အေးခေတ်နှောင်းပိုင်းတွင် ဗီယက်နမ်စစ်ပွဲနှင့် အင်ဒိုချိုင်းနားစစ်မြေပြင်များမှ အတွေ့အကြုံများကို သင်ခန်းစာယူ သုတေသနလုပ်ငန်းများကို လုပ်ဆောင်လာကြပြီးနောက် အမေရိကန်သမ္မတ ရော်နယ်လ်ရီဂန် နှင့် ဒုတိယသမ္မတ စီနီယာဂျော့ခ်ျဘုရှ်တို့၏ လက်ထက်တွင် ‘အမေရိကန် မဟာဗျူဟာမှူးများ’ (Strategists) ထံမှ သုံးသပ်ချက် အသစ်များနှင့် အယူအဆအသစ်များအား ‘မူဝါဒချမှတ်သူများ’ (Policy Maker) ထံသို့ ပြန်လည် တင်ပြလာခဲ့ကြသည်။

ယင်းအယူအဆအသစ်များအရ အမေရိကန် သို့မဟုတ် အနောက်တိုင်းလောကနှင့် ထိပ်တိုက် တွေ့နေသော၊ မိမိဘက်က လူမဟုတ်ဘဲ ဆန့်ကျင်ဘက်အုပ်စု ဘက်က လူဖြစ်နေသော ‘လူသန်များ’ (Strong Men) ကို ဖြုတ်ချဖယ်ရှား ရေးအတွက် ပြည်တွင်းပဋိပက္ခများ ကို ဖန်တီးရာတွင်-

(၁) အနုနည်းဖြင့် နှလုံးရည်တိုက်ပွဲ လမ်းကြောင်းကို အသုံးမပြုဘဲ

(၂) အင်အားစု ပေါင်းစုံပါဝင်သော လက်နက်ကိုင်တော်လှန်ရေးလမ်းကြောင်းကို အသုံးပြုပြီး

(၃) ယင်းလက်နက်ကိုင်တော်လှန် ရေးဖြင့် အောင်ပွဲရခဲ့လျှင်

ယင်းနိုင်ငံ၏ အာဏာအသစ်နှင့် တပ်မတော်အသစ်သည် –

(၁) အမေရိကန်နှင့် အနောက်တိုင်းမှ စနစ်တကျ လေ့ကျင့်ပျိုးထောင်၊ လွှမ်းမိုး ထိန်းချုပ်ပေးထားသော

‘လက်ယာ ပညာတတ်များ’  (Right Wing Intellectuals) လက်ဝယ်သို့ ရောက်ရှိ မသွားတော့ဘဲ

(၂) အမေရိကန်နှင့် အနောက်တိုင်း လောကကို နောက်တစ်ဆင့်တွင် ပြန်လှန်အန်တုရန်အထိ မလိုလားအပ်သော ရည်မှန်းချက်များ ကြီးမား‌နေ (Ambitious)၊ ဖြစ်နေနိုင်သည့်

(၃) ဆိုဗီယက်ပြည်ထောင်စု သို့မဟုတ် တရုတ် တစ်ခုခုကိုလိုလားနေသော လက်ဝဲဝါဒီများ၊ သို့မဟုတ် အစ္စလာမ်မစ်ခါလီဖိတ်နိုင်ငံတော် ပြန်လည်ပေါ်ထွန်းရေးကို လိုလားနေသော အစ္စလာမ်မစ် အခြေခံဝါဒီများ၊ သို့မဟုတ် အခြားသောနယ်မြေခံ ဘာသာရေးအခြေပြု အမျိုးသားရေးဝါဒီများ၊ သို့မဟုတ် အခြားသော သဘောထား တင်းမာပြင်းထန်သူများလက်ဝယ်သို့ ယင်းနိုင်ငံ၏ အာဏာသစ်နှင့် တပ်မတော်အသစ်က ရောက်ရှိသွားလိမ့်မည်ဆိုသော သုံးသပ်ချက်အသစ်တစ်ရပ်ကို တင်ပြထားခဲ့သည်။

ထို့ပြင်  နိုင်ငံတကာ ကွန်မြူနစ်အင်အားစုများအတွင်း အက်ကြောင်းနှင့် အတွင်းပဋိပက္ခကြီးမားနေစေရန် ရည်ရွယ်ချက်ဖြင့် ပထမစစ်အေးခေတ်အတွက် အမေရိကန်ပြည်‌ထောင်စုနှင့် အနောက်အုပ်စုက ယာယီမဟာမိတ်အဖြစ် အသုံးချနေရသော တရုတ်နိုင်ငံနှင့် တရုတ်ပြည်ကွန်မြူနစ်ပါတီကို လိုလားသော က‌မ္ဘောဒီးယားပြည်တွင်းစစ်မှ မော်ဝါဒီ ခမာနီပြောက်ကျားတပ်ဖွဲ့၊ အန်ဂိုလာ ပြည်တွင်းစစ်မှ ယူနီတာ ပြောက်ကျားတပ်ဖွဲ့ကဲ့သို့သော အင်အားစုများ အာဏာရရှိလာခဲ့လျှင် ကမ္ဘာနိုင်ငံရေးမြေပုံအတွင်း မော်ဝါဒီတင်းမာကွန်မြူနစ်အစိုးရများက ထိန်းချုပ်ထားသော အမျိုးသားနိုင်ငံတော်များ အရေအတွက် တိုးပွားလာမည့်အရေးကိုပါ အမေရိကန်သုတေသီများ ထည့်သွင်း တွက်ချက်လာခဲ့ကြသည်။

အစဉ်အလာအရလည်း တစ်ဦးချင်း မာ့က္ခစ်ဝါဒီများနှင့် ပါတီဝင် ကွန်မြူနစ်များ၏ ယေဘုယျ အမြင်များအရလည်း –

တန်ပြန်တော်လှန်ရေးတစ်ခု ဖြစ်စေ၊ တော်လှန်ရေးတစ်ခုဖြစ်စေ၊ လက်နက်ကိုင်တော်လှန်ရေး ပြောက်ကျားစစ်ပွဲတစ်ရပ်ကို ‘ရေရှည်စစ်ပွဲ’ (Protracted War) အဖြစ် သော်လည်းကောင်း၊ ပြည်သူတစ်ရပ် လုံး အုံကြွပါဝင်သော ‘လက်နက်ကိုင် လူထုလှုပ်ရှားမှုတိုက်ပွဲ’ (Armed Mass Mobilization) အဖြစ်သော် လည်းကောင်း၊ ‘ပြည်သူ့စစ် ပြောက် ကျားစစ်ဆင်မှု’  (People’s Militia Guerilla Warfare) အဖြစ်သော် လည်းကောင်း အမှန်တကယ် ဆင်နွှဲ တိုက်ခိုက်ရမည်ဆိုလျှင် မိမိ အသားနာမှာ၊ မိမိ အသက်သေမှာကို လူမှုသဘာဝ (Social Nature) အရ အခြားသူများထက် ပိုကြောက်တတ်သော၊ မိမိကိုယ်ကိုမိမိ အခြားသူများထက် အလွန်ပိုညှာတတ်သော၊ သဘာဝ လူကြောက်များ ဖြစ်သည့်၊ စျေးမြို့သား ဘူဇွာပေါက်စ လက်ယာပညာတတ်များနှင့် လက်ယာ အရင်းရှင်၊ မြေရှင်အထက်တန်းလွှာများ၏ အခန်းကဏ္ဍများက ဘေးကိုရောက်ရှိသွားမည်ဟု ယူဆချက်များ ရှိခဲ့ကြသည်။

■ ရိုးသားဖြူစင်သူများ၏ နူးညံ့သောတုံ့ပြန်မှုများ – စစ်ဆန့်ကျင်ရေးနှင့် ငြိမ်းချမ်းရေးလှုပ်ရှားမှု

ထိုခေတ်ကာလများအတွင်း အာရှ၊ အာဖရိက၊ လက်တင်အမေရိကဒေသများအတွင်း အရင်းရှင်စနစ်နှင့် ခေတ်သစ်နယ်ချဲ့စနစ် အတွက် ဆင်နွှဲနေသော ဖောက်ပြန်သော ကျူးကျော်စစ်များကို ဆန့်ကျင်ရေးနှင့် အမျိုးသားနိုင်ငံတော်များ၏ အမျိုးသားညီညွတ်ရေးနှင့် ပြည်သူ့အကျိုးစီးပွားများကို ထိခိုက် ပြိုကွဲစေသော ပြည်တွင်းစစ်များ ရပ်စဲရေးအတွက် ရိုးသားဖြူစင်သော ပညာတတ်များ၊ တိုင်းချစ်ပြည်ချစ် အထင်ကရပုဂ္ဂိုလ်များပါဝင်သော ငြိမ်းချမ်းရေးလှုပ်ရှားမှုများက နိုင်ငံများစွာတွင် ပေါ်ပေါက်လာခဲ့သည်။

မြန်မာနိုင်ငံအတွင်း ၁၉၄၈- ၁၉၅၈ ဖဆပလ ပါလီမန်အစိုးရ ခေတ်အတွင်း ဆရာကြီး သခင်ကိုယ် တော်မှိုင်း ဦးဆောင်သော ပြည်တွင်း ငြိမ်းချမ်းရေး ကွန်ဂရက်အဖွဲ့နှင့် ကမ္ဘာ့ငြိမ်းချမ်းရေးကွန်ဂရက် (ဗမာနိုင်ငံ) ကဲ့သို့သော ပြည်တွင်းငြိမ်းချမ်း ရေးလှုပ်ရှ ားမှုများ ပေါ်ပေါက်လာခဲ့သည်။

ထိုပြည်တွင်းငြိမ်းချမ်းရေးလှုပ်ရှားမှုကို ရွေးကောက်ပွဲဖြင့် အနိုင်ရထားသော ဖဆပလ ပါလီမန်ဒီမိုကရေစီအစိုးရက အံ့အားသင့်ဖွယ်ရာ နူးညံ့သိမ်မွေ့သော နည်းလမ်းများဖြင့် တုံ့ပြန်ခဲ့သည်။ သမိုင်းဝင် လွတ်လပ်ရေးလှုပ်ရှားမှုခေါင်းဆောင်နှင့် ဒို့ဗမာအစည်းအရုံး နာယကကြီးဖြစ်သော ဆရာကြီးသခင်ကိုယ်တော်မှိုင်းကို ပြည်တွင်း ငြိမ်းချမ်းရေးဟောပြောပွဲအပြီးတွင် အာဏာရပါတီ၏ လက်ပါးစေလူမိုက်များဖြင့် ကိုယ်ထိလက်ရောက် ၀ိုင်းဝန်းရိုက်နှက်ခဲ့သည်။

ပြည်တွင်းငြိမ်းချမ်းရေးတက်ကြွလှုပ်ရှားသူများကို ကွန်မြူနစ်များအဖြစ် တံဆိပ်တပ်ပေးသည်။ လူပြိန်းကြိုက်ဝါဒီ လူအုပ်ကြီးများနှင့်  လှည့်ရန်တိုက်ပေးသည်။ ငြိမ်းချမ်း ရေးလှုပ်ရှားမှုအတွင်း ပါဝင်သော သတင်းစာတိုက်ပိုင်ရှင်များ၊ သတင်းစာဆရာများ၊ စာရေးဆရာများနှင့် ပညာတတ်များကို အကြောင်းပြချက်အမျိုးမျိုးဖြင့် ဖမ်းဆီးထောင်ချခဲ့သည်။

■ နစ်ရှေး၏ တောရိုင်းနိယာမနှင့် အနုပဋိလောမကို ပေါင်းစပ်ခြင်း

ထိုသို့သော ဆိုးရွားလှသည့် အခြေအနေဆိုးများအတွင်း မျှော် လင့်မထားခဲ့သည့် ထူးဆန်းသော မဟာဗျူဟာရေးရာ အယူအဆ သဘောထား အကူအညီအချို့က အာရှ၊ အာဖရိကနိုင်ငံများထံသို့ ရောက်ရှိလာခဲ့သည်။ ယင်းအကူ အညီသည် ဆိုဗီယက် ပြည်ထောင်စု ထံမှ မဟုတ်သကဲ့သို့ မော်ဝါဒီ တရုတ်ပြည်ထံမှလည်း မဟုတ်ခဲ့ပါ။

အမေရိကန်၊ ဗြိတိန်နှင့် ကနေ ဒါအပါအဝင် အနောက်တိုင်းလော ကမှ ထိပ်တန်းနိုင်ငံ အချို့ရှိ ‘တရားဝင် အာဏာစံအိမ်များ’ (Official Power Houses

) နှင့် ‘လျှို့ဝှက်အာဏာစံအိမ်များ’ (Secret Power Houses) တွင် အမှုထမ်းနေကြသော အတွင်းလူအချို့၊ အထက်တန်းအရာ ရှိအချို့၊ အကြံပေး သုခမိန်အချို့နှင့်

မျိုးရိုးအရအဖွဲ့ဝင်များအဖြစ် ပါဝင် ပေးနေရသော မိသားစုဝင်အချို့နှင့် ဆွေမျိုးစုဝင် (Clan Members) အချို့ထံမှ ပေါ်ထွက်လာသော သီ အိုရီ အသစ်တစ်ခု ဖြစ်သည်။

ယင်းသီအိုရီအသစ်က ဂျာမန် ဒဿနတွေးခေါ်ရှင်များဖြစ်သော နစ်ရှေး၏ ဆင့်ကဲဖြစ်စဉ်အခြေပြု တောရိုင်းနိယာမအယူအဆနှင့် ဟီး ဂဲလ်၏ ဒိုင်ယာလက်တစ် လော့ဂျစ် ကို မွမ်းမံပြောင်းလဲထားသော၊ ကားလ်မာ့က္ခစ်၏ အနုပဋိလောမ ယုတ္တိဗေဒနှစ်ခုကို အခြေခံ၍ ထပ် ဆင့်တိုးချဲ့မွမ်းမံထားသော အယူ အဆအသစ်တစ်ခု ဖြစ်သည်။

နစ်ရှေး၏ တောရိုင်းနိယာမအရ ‘မိမိကိုယ်ကိုမိမိ အမြင့်မားဆုံး  ပြောင်းလဲအဆင့်မြှင့်တင် နိုင်သူများ သို့မဟုတ် အင်အားအသန်စွမ်းဆုံး သူများက အသက်ရှင်သန် ကျန်ရစ်မည်’ ဟု ဆိုသည်။ အနုပဋိလောမ ယုတ္တိဗေဒ (Dialectic Logics၏ ‘ပဋိပက္ခ’ (Contradiction) ဆိုင်ရာ သဘောတရားများအရ  လူ့အဖွဲ့ အစည်းနှင့် လူမှုဖြစ်စဉ် (Social Process) သည် ‘အတွင်းပဋိပက္ခများ’ (Internal Contradictions) ဖြင့် ဖွံ့ဖြိုးတိုးတက်လာမည်ဟုဆို သည် ။ အချို့က ‘ပဋိပက္ခရှိမှ တိုးတက်မည်’ ဟုပင် ပြောဆိုတတ်ကြသည်။

အနုပဋိလောမ ယုတ္တိဗေဒပါ ပဋိပက္ခ သဘောတရားအရ၊ လူမှု ဖြစ်စဉ်တစ်ရပ်၏ နောက်ဆုံး အဆင့်တွင် ဖြစ်စဉ်၏ ]အခြေခံပဋိပက္ခ} (Fundamental Contradiction)) က ဖြစ်စဉ်၏ ‘အဓိကပဋိပက္ခ’ (Major Contradiction) အဆင့်နေရာ၊ အခန်းကဏ္ဍသို့ ရောက်ရှိလာမည် ဖြစ်ကာ ထိုပဋိပက္ခအတွင်း ‘အခြေခံကျသော ဆန့်ကျင်ဘက်’ Fundamental Opposite) က ထိုပဋိပက္ခ၏ ဦးဆောင်လွှမ်းမိုးမှုနေရာကိုရရှိသော ‘အဓိကဆန့်ကျင်ဘက်’ (Major Opposite) အဆင့်ရော၊ အခန်းကဏ္ဍသို့ ရောက်၊ နောက်ဆုံးအဆင့်တွင် ပဋိပက္ခဟောင်းချုပ်ငြိမ်းပြီး ဖြစ်စဉ်ဟောင်းလည်း ချုပ်ငြိမ်းကာ ဖြစ်စဉ်အသစ်တစ်ရပ် မွေးဖွားလာ မည်ဟု အဆိုတင်ပြထားသည်။

■ ပြည်တွင်းစစ်ကို ကြောက်စရာ မလိုအပ်ဟုဆိုသော အယူအဆအသစ်

အမေရိကန်၊ ဗြိတိန်နှင့် အနောက်တိုင်းလောကအတွင်း အဆိုပါတရားဝင်နှင့် လျှို့ဝှက်အာ ဏာစံအိမ်အချို့မှ ‘တိတ်တိတ်ပုန်း မာ့က္ခစ်ဝါဒီများ’ (Crypto Marxists)  ၏ အယူအဆအသစ်အရ အာရှ၊ အာဖရိက၊ လက်တင်အမေရိကမှ အမျိုးသားနိုင်ငံတော်များအနေဖြင့် မိမိနိုင်ငံတစ်ခုချင်း ရင်ဆိုင်နေရသော ပြည်တွင်းစစ် သို့မဟုတ် ပြည်တွင်း လက်နက်ကိုင် ပဋိပက္ခများအတွင်း ပဋိပက္ခကိုအခြေခံ၍ ထိရောက်အောင်မြင်သော ဖွံ့ဖြိုးမှု ရလာဒ်များနှင့် တိုးတက်ရေး အောင်ပွဲများကို အရယူရန် အခွင့်အလမ်းများ ရှိနေသည်ဟုဆိုသည်။

မိမိတို့အမျိုးသားနိုင်ငံတော်၏ အမျိုးသားစွမ်းအားများကို လျင်မြန်စွာဖွံ့ဖြိုးစေရမည်။ မိမိကိုယ်ကို မိမိ ပြောင်းလဲအဆင့်မြှင့်တင်နိုင်သော အမျိုးသားနိုင်ငံတော်များက အောင်မြင်အနိုင်ရမည်။ ရှင်သန်ကျန်ရစ်မည်။ မိမိကိုယ်ကို ပြောင်းလဲ အဆင့်မြှင့်တင်ခြင်းမပြုလုပ်နိုင်သော အမျိုးသားနိုင်ငံတော်များက ကျဆုံး ရှုံးနိမ့် သို့မဟုတ် ပြိုကွဲမည်။

ထိုကဲ့သို့ မိမိကိုယ်ကိုမိမိ အဆင့်မြှင့်တင် ပြောင်းလဲမှု (Self-Adaptation) ပြုလုပ်ရာတွင် ခေတ် သစ် နယ်ချဲ့စနစ်ဆန့်ကျင်ရေးနှင့် ခေတ်သစ် ကိုလိုနီပိုင်စားနယ်မြေ စနစ် ဆန့်ကျင်ရေး၏ အခြေခံအနှစ် သာရများကို ဆက်လက်ဆုပ်ကိုင် ထားပြီး မိမိတို့က လက်တွေ့ကျင့်သုံး နေသော –

(၁) နည်းဗျူဟာများ (Tactics)

(၂) နည်းပရိယာယ်များ (Manoeuvres)

(၃) နည်းစနစ်ဗေဒများ (Methodologies)

(၄) နည်းနိဿယ ကျွမ်းကျင်မှုများ (Technical Skills) နှင့်

(၅)နည်းပညာများ (Technologies)

ငါးရပ်ကို လျှို့ဝှက်စွာနှင့် လျင်မြန်စွာ ‘အဆင့်မြှင့်တင်ပြောင်းလဲခြင်း’ (Adaptation)၊ ‘ဖွံ့ဖြိုးမှု’ (Development) နှင့် ‘တိုးတက်မှု’ (Progress) ရရှိအောင် ဆောင်ရွက်ရေး၊ အရေအတွက်နှင့် အရည်အချင်း နှစ်ရပ်စလုံးတွင် ‘ကြီးထွားမှု’ (Growth) နှင့် ‘အသာစီးရမှု’ (Superiority) ကို တည်ဆောက်ရယူရေးတို့ကို ဆောင်ရွက်ရမည်ဟုဆိုသည်။

ထို့ပြင် အမျိုးသားနိုင်ငံတော် များအနေဖြင့် ဖောက်ပြန်သော အင်အားစုများနှင့် နယ်ချဲ့သမားများက ဖန်တီးမီးမွှေးနေသော ပြည်တွင်းစစ်များကို အလျင်အမြန် ချုပ်ငြိမ်းစေရန် ရည်ရွယ်ချက် စေတနာဖြင့် မတိကျမသေချာသော စစ်ရေးစွန့်စားမှုများနှင့် အခြားစွန့်စားမှုများကို ပြု လုပ်ရန် မလိုအပ်ဘဲ တိကျသေချာ သော၊ မဖြစ်မနေ ဆောင်ရွက်ရမည့် လုပ်ငန်းစဉ်များကို အဆင့်လိုက် မြှင့်တင်ဆောင်ရွက်ခြင်းဖြင့် –

(၁)  ‘ရေရှည်စစ်ပွဲ ‘ (Protracted War) ကို ‘တန်ပြန်ရေရှည် စစ်ပွဲ’ (Counter Protracted War) ဖြင့် ပြန်တိုက်ရမည်။

(၂) ‘အမှည့်ခြွေ ပြုန်းတီးရေးစစ်ပွဲ’ (War of Attrition) ကို ‘တန်ပြန် အမှည့်ခြွေ ပြုန်းတီးရေးစစ်ပွဲ’ (Counter War of Attrition) ဖြင့် ပြန်တိုက်ရမည်။

(၃)  ‘အလုံးစုံစစ်ပွဲ’ (Total War) ကို ‘တန်ပြန် အလုံးစုံစစ်ပွဲ’ (Counter Total War) ဖြင့် ပြန်တိုက်ရမည်။

(၄) မိမိဘက်မှ အသာစီးရနေခြင်း များ၊ အောင်မြင်မှုများနှင့် အားသာ ချင်သူများကို ရန်သူများ၊ ရန်သူ့ နောက်လိုက်များနှင့် ရန်သူကို လို လားသူများက လုံးဝ မရိပ်မိ၊ မသိရှိ နိုင်စေရန် ဖြစ်နိုင်သမျှ ဖုံးကွယ် လျှို့ဝှက်ထားပေးထားရမည်ဟု ယင်းအယူအဆများအတွင်း အဆို ပြု ဖော်ပြထားခဲ့သည်။

အဆိုပါ သီအိုရီအသစ်ကို အာရှ၊ အာဖရိကနိုင်ငံများအနက် အချို့သော နိုင်ငံခေ ါင်းဆောင်များ နှင့် အထက်တန်းအရာရှိများက မယုံကြည်ဘဲ သံသယရှိခဲ့ကြသည်။

အချို့သော နိုင်ငံ့ခေါင်းဆောင်များ နှင့် အထက်တန်းအရာရှိများက ယင်းသီအိုရီအသစ်ကို လေ့လာရန်နှင့် အကန့်အသတ်တစ်ခုအတွင်း စမ်းသပ်အသုံးပြုကြည့်ရန် သိသာစွာ စိတ်ဝင်စားခဲ့ကြသည်။

မြန်မာနိုင်ငံတွင်လည်း ၁၉၆၂ ခုနှစ်တွင် အပြည့်အဝအာဏာစတင် ရရှိလာခဲ့သော ဗိုလ်ချုပ်ကြီးနေဝင်းက ယင်းသီအိုရီအသစ်နှင့် ပူးတွဲပါ အယူအဆများအပေါ် အထူးပင်အလေးအနက် စိတ်ဝင်စားမှု ရှိခဲ့ဖူးသည်။

သို့သော်လည်း ၁၉၈၈ ခုနှစ်မှ ၂၀၁၀ ခုနှစ်အထိ ၂၂ နှစ်ကြာ စစ်အုပ်ချုပ်ရေးကာလအတွင်း ထိုသီအိုရီနှင့် ပူးတွဲပါအယူအဆများကို နဝတနှင့် နအဖစစ်အစိုးရများ၏ အစိုးရခေါင်းဆောင်များ၊ စစ်ဘက် ထိပ်တန်းအရာရှိများနှင့် အထက် တန်း အရာရှိများအကြားတွင်အလွန် ပင်လူကြိုက်နည်းခဲ့ပြီး လက်ခံယုံကြည်သူ တစ်ဦးမျှ မရှိခဲ့ချေ။