လားရှိုးမြို့ မြို့ရှောင်လမ်း တိုးဂိတ်တွင် တရုတ်နိုင်ငံနှင့် တရုတ်နယ်စပ်ဘက်မှ ပြန်လာသည့် နေရပ်ပြန်သူများအား အဆင်ပြေစွာ နေရပ်ပြန်နိုင်ရေးအတွက် စီမံဆောင်ရွက်

မူဆယ်၊ လောက်ကိုင်၊ ချင်းရွှေဟော်မြို့တို့ဘက်မှ မြန်မာနိုင်ငံအတွင်း မိမိနေရပ်များဆီသို့ ပြန်လာကြသူများအား လားရှိုးမြို့အနီး မန္တလေး – လားရှိုး ပြည်ထောင်စုကားလမ်းမကြီးပေါ် မြို့ရှောင်လမ်းတိုးဂိတ်တွင် လိုအပ်သည့် ခရီးသွားစစ်ဆေးမှုများ၊ကျန်းမာရေးစစ်ဆေးမှုများ ပြုလုပ်ကာ သက်ဆိုင်ရာ၏ အစီအစဉ်ဖြင့် မန္တလေးမြို့သို့ ပို့ဆောင်ပေးလျက်ရှိနေကြောင်း သိရသည်။

မေလ ၁ ရက် (ယနေ့) နံနက်ပိုင်းတွင် တရုတ်နယ်စပ် လောက်ကိုင်၊ချင်းရွှေဟော်မြို့ နှင့် မူဆယ်မြို့ဘက်မှ ဝင်ရောက်လာသည့် နေရပ်ပြန်သူများအား သက်ဆိုင်ရာ၏စီမံပေးမှုဖြင့် နေရပ်ပြန်သူများအား mask များ ပေးဝေခြင်း၊ကိုယ်အပူချိန်တိုင်းတာပေးခြင်းနှင့်ခရီးသွားရာဇဝင်နှင့် ကိုယ်ရေးအချက်အလက်များကောက်ခံကာ မန္တလေးမြို့သို့ ပြန်နိုင်ရေး စီမံပေးလျက်ရှိသည်။