ထိုင်းနိုင်ငံမှ မြန်မာနိုင်ငံသို့ ဆယ်လကျော် အတွင်း နေရပ်ပြန်လာသူ ၄၀၀၀၀ ကျော်ရှိ
ကိုဗစ်လှိုင်းဂယက်ကြောင်း ထိုင်းနိုင်ငံမှ မိခင်နိုင်ငံသို့ နေရပ်ပြန်လာသူများကို တစ်ပတ်လျှင်သုံးရက်၊တစ်ရက်လျှင်၂၀၀ -ဝန်းကျင် ကြိုဆိုလက်ခံခဲ့ရာ ဆယ်လကျော် အတွင် လေးသောင်းကျော် ပြန်လည်ဝင်ရောက်လာခဲပြီး ဖြစ်သော်လည်း လုပ်ငန်းခွင်ရှိရာ ထိုင်းနိုင်ငံသို့ ပြန်လည်ထွက်ခွာရန်မှု ခက်ခဲနေကြကြောင်းသိရသည်။
ဇွန်လ ၂၇ ရက်နေ့က မြန်မာ့ရွှေ့ပြောင်းလုပ်သား ၂၂၁ ယောက် ပြန်လည်ဝင်ရောက်ခဲ့ပြီ မြဝတီ ခရိုင်မှတာဝန်ရှိသူများက ကြိုဆို လက်ခံခဲ့ကြသည်။
ကိုဗစ်ကြောင့်နေရပ်ပြန်ကြိုဆိုရေးကိုယာယီရပ်ထားခဲ့ရာမှ မိမိနေရပ်သို့ပြန်လိုသော မြန်မာရွှေ့ပြောင်းလုပ်သားများအတွက်မြန်မာနှင့် ထိုင်းနှစ်နိုင်ငံ တာဝန်ရှိသူများ၏ အစီစဉ်ဖြင့် ၂၀၂၁ ခုနှစ် သြဂုတ်လ ၁ရက်နေ့မှ စတင်ခဲ့ခြင်းဖြစ်ပြီး ဇွန်လ၂၇ ရက်ထိ ၄၀၂၀၂ ဦး ပြန်လည်ဝင်ရောက်ခဲ့ပြီဖြစ်သည်။
ထိုင်းနိုင်ငံမှ မိခင်နိုင်ငံသို့ ပြန်လာသူများမှာ ထိုင်းIDC (လဝက အချုပ်)မှ အချုပ်လွတ်ဖြင့် ပြန်လာသူရှိသလို ပွဲစားများဖြင့်ချိတ်ဆက်ကာ ငွေပေးပြီး တောမော်ရုံးအစီစဉ်ဖြင့် ဟန်ဆောင်အဖမ်းခံကာ ပြန်လာကြသူများလည်းပါဝင်သည်။
နေရပ်ပြန်ပို့ဆောင်ရေး အကျိုးဆောင်(ပွဲစား)များက ထိုင်းတော်မော်ရုံး(လဝက) နှင့်ချိတ်ဆက်ကာပို့ဆောင်ခြင်းဖြစ်ပြီး၊ထိုင်း လဝက မှ အလုပ်သမားများအားအပြစ်သားဟုသတ်မှတ်ကာ ထိုင်းသို့ပြန်ဝင်ခွင့်မရှိသော Re-entry တံဆိပ်တုံးထုပေးလိုက်သည့်အတွက် လုပ်ငန်းခွင်ရှိရာ ထိုင်းနိုင်ငံသို့ တကျော့ပြန်ဝင်ရောက် ရန်ခက်ခဲနေကြခြင်းဖြစ်သည်။
ဘန်ကောက်-မြဝတီ ပို့ဆောင်ရေး ကြော်ငြာ များကြောင့်နေရပ်ပြန်လိုသူများပြားလာသော်လည်း လုပ်ငန်းခွင်ရှိရာ ထိုင်းနိုင်ငံသို့ ပြန်ဝင်ရန်ခက်ခဲနေကြသည့်အတွက် မိခင်နိုင်ငံကို မပြန်မဖြစ်ပြန်ကြမည်ဆိုလျှင်လည်း ထိုင်းကိုပြန်မလာတော့မှသာ မြန်မာနိုင်ငံကိုပြန်ကြပါလို့ မြန်မာပြည်သားများအရေးပူးတွဲလှုပ်ရှားမှုကော်မတီ(JACBA)ဥက္ကဌ ဦးမိုးကြိုးကပြောသည်။
“”ထိုင်းနိုင်ငံကနေမိခင်မြန်မာငံဘက်ကိုအကြောင်းမျိုးစုံ၊ပုံစံမျိုးစုံနဲ့ပြန်ဖို့ကြိုးစားနေသူတွေအထူးသတိထားရမှာက မိမိတို့ရဲအိမ်ပြန်လမ်းဟာတရားဝင်ရရှိထားပေမယ့်လည်း ထိုင်းကိုတကျော့ပြန်ဝင်ဖို့
နယ်စပ်မှာရှိတဲ့ နယ်စပ်ဂိတ်တွေ၊ချစ်ကြည်ရေးတံတားတွေပိတ်ထားနေသ၍ MoUစနစ်နဲ့ဝင်တဲ့လမ်းကြောင်းနဲ့၊တရားမဝင် ခိုးဝင် လမ်းကြောင်တစ်ခုသာရှိတယ်။အဲတော့ မြန်မာနိုင်ငံကို ပြန်ဝင်တဲ့အခါ အကြပ်ကြီးကြပ်ပြီးတော့ ခိုးလမ်းကနေပြန်ဝင်လာရမဲ့ဘဝက မကောင်းပါဘူး၊အထူးသတိပြုကြပါ။ မိမိနိုင်ငံကိုမပြန်မဖြစ် ပြန်ကြမယ်ဆိုရင်လည်း ပြန်မလာတော့မှသာ ပြန်ကြပါလို့ သတိပေးပြောချင်ပါတယ်””ဟုဦးမိုးကြိုးကပြောသည်။
ထိုင်းနိုင်ငံအတွင်း အလုပ် လုပ်ကိုင်နေကြပြီး အကြောင်းအမျိုးမျိုးကြောင့် နေရပ်မြန်မာ နိုင်ငံသို့ ပြန်လာကြသူများရှိသလို ပြည်တွင်း နိုင်ငံရေးမငြိမ်သက်မှု၊အလုပ်အကိုင်ရှားပါးမှုများကြောင့် နေရပ်စွန့်ခွာပြီး ထိုင်းနိုင်ငံသို့ ပွဲစားများနှင့် ချိတ်ဆက်ကာ တရားမဝင် အောက်လမ်းနည်းဖြင့် နယ်စပ်ဖြတ်ကျော် သွားလာမှုကြောင့် နေစဉ်နီးပါး ဖမ်းဆီခံရသူများလည်းရှိကြောင်းသိရသည်။
မေလ၁၀ ရက်နေ့က စတင်ကာ ထိုင်းနိုင်ငံသို့ တရားဝင် MoU လုပ်သားစေလွှတ်ရေးကို စတင်နိုင်ခဲ့သော်လည်း ယခင်ကနေ့စဉ်MoU လုပ်သား ထောင်နှင့်ချီ၍ ဖြတ်သန်းသွားလာခဲ့သော မြဝတီ မဲဆောက်အမှတ်(၁) ချစ်ကြည်ရေးတံတားကို ယနေ့ ထိ ပိတ်ထားဆဲဖြစ်သည်။
