မြန်မာနိုင်ငံတွင် ဇူလိုင် ၁၉ ရက်အထိ အသက် ၁၈ နှစ်အထက်နှင့် ၁၈ နှစ်အောက် COVID-19 ကာကွယ်ဆေးထိုးနှံပြီးသူ ၃၅ သန်းကျော်ရှိ
မြန်မာနိုင်ငံတွင် ဇူလိုင် ၁၉ ရက်အထိ အသက် ၁၈ နှစ်အထက်နှင့် ၁၈ နှစ်အောက် COVID-19ကာကွယ်ဆေးထိုးနှံပြီးသူ ၃၅ သန်းကျော်ရှိကြောင်း ကျန်းမာရေးဝန်ကြီး ဌာနမှ သိရသည်။
မြန်မာနိုင်ငံတွင် ကာကွယ်ဆေးများကို ဦးတည်ဦးစားပေးအုပ်စုအလိုက် ထိုးနှံပေး လျက်ရှိရာ ဇူလိုင် ၁၉ ရက်အထိ အသက် ၁၈ နှစ်နှင့်အထက် ကာကွယ်ဆေး ထိုးနှံပြီးစီး သည့် လူဦးရေ ၃၀၀၁၂၆၀၂ (၃၀ ဒသမ ၀၁ သန်း)၊ အသက် ၁၈ နှစ်နှင့်အောက် ကာကွယ် ဆေးထိုးနှံပြီးစီးသည့် လူဦးရေ ၅၈၂၈၇၈၀ ( ၅ ဒသမ ၈၂ သန်း) ရှိကြောင်း ကျန်းမာရေး ဝန်ကြီးဌာနမှ သိရသည်။
မြန်မာနိုင်ငံတွင် ကျန်းမာရေးဝန်ကြီး ဌာန၏ COVID-19ရောဂါ ကာကွယ်ဆေး ထိုးနှံခြင်းကို၂၀၂၁ ခုနှစ် ဇန်နဝါရီမှ စတင် ခဲ့ပြီး အိန္ဒိယနိုင်ငံထုတ် covishield ၊ တရုတ် နိုင်ငံထုတ် sinopharm နှင့် sinovax ၊ ရုရှား နိုင်ငံထုတ် sputnik light တို့ကို ထိုးနှံပေး လျက်ရှိကြောင်း သိရသည်။
နာတာရှည်ရောဂါအခံရှိသူများအနေ ဖြင့် ကိုဗစ် ကာကွယ်ဆေး အကြိမ်ပြည့်ထိုး နှံထားရန်လိုအပ်ကြောင်း ကျန်းမာရေးဝန် ကြီးဌာနက တိုက်တွန်းထားသည်။
ဆီးချို၊ သွေးတိုး၊ နှလုံး၊ ကျောက်ကပ်၊ အသည်း၊ ကင်ဆာရောဂါစသည့် နာတာရှည် ရောဂါအခံရှိသူများ၏ ကာကွယ်ဆေးမထိုး နှံဖြစ်သော အကြောင်းရင်းများမှာ နာတာ ရှည်ရောဂါအခံ တစ်ခုခုရှိသောကြောင့် ကာ ကွယ်ဆေးထိုးနှံရမည်ကို စိုးရိမ်ကြောင့်ကြ ခြင်း၊ မိမိသောက်နေကျဆေးများနှင့် ကာ ကွယ်ဆေး ဓာတ်မတည့်ဖြစ်မည်ကို စိုးရိမ် ကြောင့်ကြခြင်း၊ ဆေးထိုးစုရပ်များသို့ လာ ရောက်ရန် ခက်ခဲခြင်း၊ သတင်းစကားအမှား များကြောင့် ကာကွယ်ဆေးထိုးနှံမှုမခံယူခြင်း၊ မိသားစုများမှ အသက်အရွယ်ကြီးရင့်သဖြင့် ကာကွယ်ဆေးထိုးနှံရန် မလိုအပ်ဟု ထင်မြင် ၍ ဆေးထိုးစုရပ်သို့ ပို့ဆောင်မပေးခြင်းတို့ ဖြစ်ကြောင်း သိရသည်။
နာတာရှည်ရောဂါအခံရှိသူများနှင့် ထပ်ဆောင်းကာကွယ်ဆေး ထိုးနှံရန် အကျုံး ဝင်သူများအနေဖြင့် ကာကွယ်ဆေးထိုးနှံ သင့်သည့် အကြောင်းရင်းများမှာ မျိုးရိုးဗီဇ ပြောင်း COVID-19 ရောဂါပိုး အမျိုးမျိုး ကြောင့် COVID-19 ရောဂါဖြစ်ပွားပါက သေဆုံးနိုင်ခြေ အလွန်နည်းပါးခြင်း၊ ရောဂါ ပြင်းထန်စွာ ခံစားရနိုင်မှုနှင့် ဆေးရုံတက် ရောက်ရမှုကို လျှော့ချနိုင်ခြင်း၊ COVID-19 ရောဂါပိုး ကူးစက်မှုကို အတိုင်းအတာတစ်ခု အထိ လျှော့ချနိုင်ခြင်း၊ သက်ကြီးရွယ်အိုများ၊ နာတာရှည်ရောဂါ အခံရှိသူများသည် ကိုယ် ခံအားနည်းပါးသူများ ဖြစ်ခြင်းကြောင့် COVID-19 ရောဂါကူးစက်ခံရပါက ရောဂါပြင်း ထန်စွာ ခံစားရနိုင်ခြေများခြင်းတို့ဖြစ်ကြောင်း သိရသည်။
COVID-19 ရောဂါကာကွယ်ဆေး အကြိမ်ပြည့်ထိုးနှံမှု ခံယူထားခြင်းဖြင့် ရောဂါ ကြောင့် သေဆုံးရမှုကိုခုနစ်ဆခန့်အထိ လျှော့ချနိုင်သည်ကို တွေ့ရှိရပြီး လူတိုင်းစေ့ COVID-19 ရောဂါကာကွယ်ဆေးကို အကြိမ်ပြည့်ထိုးနှံထားရှိရန် လိုအပ်သကဲ့သို့ ကိုယ်ဝန်ဆောင်နှင့် နို့တိုက်မိခင်များ၊ သွေး တိုး၊ နှလုံး၊ ဆီးချို အစရှိသည့် နာတာရှည်ရော ဂါရှိ သူများသည် ကာကွယ်ဆေးအကြိမ်ပြည့် မပျက်မကွက် ထိုးနှံကြရန် အထူးလိုအပ် ကြောင်း သိရသည်။
ထို့ပြင် ဦးတည်အုပ်စုများအတွင်း ကာ ကွယ်ဆေးထိုးနှံမှုကို ကျေးလက်ဒေသအထိ ကျယ်ပြန့်စွာဆောင်ရွက်ခြင်းနှင့် ကာကွယ် ဆေးအကြိမ်ပြည့် ထိုးနှံပြီးစီးမှုကာလခြောက် လနှင့်အထက်ရှိသော မိဘပြည်သူများအား အသက်အုပ်စုများထပ်မံတိုးချဲ့၍ ထပ်ဆောင်း COVID-19 ရောဂါ ကာကွယ်ဆေးထိုးနှံ ပေးခြင်းများကို ဆက်လက်တိုးချဲ့ဆောင်ရွက် ပေးသွားမည်ဖြစ်ကြောင်း သိရသည်။
